Articles for January 2015

காலத்தை வெல்வோம்

காலத்தை வெல்வோம்

images

விரும்பியோ விரும்பாமலோ 12 மாத வயதுடைய 2014ம் ஆண்டு எம்மைவிட்டுப் போய்விட்டது. 2015ம் ஆண்டு பச்சைக் குழந்தையாக எம்முன்னே சிரித்து நிற்கின்றது.
காலம் என்பது என்ன?
காலம் என்பது கடந்துபோவது, கரைந்து போவது, எம்மால் கட்டுப்படுத்த முடியாதது.
சொத்து என்பது என்ன?
சொத்து என்பது எம்மிடம் உள்ளது, அது எம்மைவிட்டுப்போவதும் எம்மிடம் தங்கி இருப்பதும் எம் கையில்தான் தங்கியுள்ளது.
எம்வாழ்வில் எமக்களிக்கப்பட்ட விலை மதிக்கமுடியாத சொத்து எது?
அதுவும் காலம் தான்.
நூறு ரூபாயுடன் கடைக்குப் போகிறோம். வெளியே வரும்போது அந்தப்பணத்தை இழந்துவிட்டு வருகின்றோம். ஆனால் அதற்குப்பதிலாக சில பொருட்டளை வாங்கிவருகின்றோம். சிலர் நூறு ரூபாவுக்கு மேலான பொருட்கள வாங்கிவருகிறார்கள். சிலர் நூறு ரூபாவுக்கு குறைவான பொருட்களை வாங்கிவருகிறார்கள். சிலர் லொத்தர் சீட்டு எடுத்துவிட்டு எதுவுமின்றி வெறும் கையுடன் வெளியே வருகிறார்கள்.
எம்வாழ்வின் ஒருவருட காலத்தை நேற்றுடன் இழந்துவிட்டோம். அதற்குப்பதிலாக என்னத்தைப் பெற்றுக்கொண்டோம்? பணத்தையா? பேர் புகழையா? அனுபவத்தையா? பிள்ளைகளையா? பேரப்பிள்ளைகளையா? அல்லது எதுவுமே இல்லையா?
அது அவரவர் திறமையைப்பொறுத்தது.
இம் மண்ணில் நாம் உயிருடன்பிறக்கும்போது எம் வாழ்க்கைக்காலம் என்று 80 தோ, 90 றோ 100 றோ என்று சில வருடங்கள் பரிசாக, சொத்தாக எமக்கு வழங்கப்படுகின்றன .நாம் முதல் மூச்சு விட ஆரம்பித்தவுடனேயே எம் வயது கரைய ஆரம்பித்துவிடுகின்றது.
எமக்கு வழங்கப்பட்ட வாழ்க்கைக்காலத்தில் எதையெல்லாம் செய்தோமோ, எதையெல்லம் சாதித்தோமோ அவைதான் நாம் வாழ்ந்ததன் அடையாளங்கள். காலம் எம்மைக்காவுகொண்டபின்பும் எம்மை உயிர்வாழவைப்பது அந்த அடையாளக்களே.
வெறுங்கையோடு வந்தோம், வெறுங்கையோடு போகிறோம் என்கிறார்களே, உண்மை அதுவல்ல.
நாம் இங்கு வரும்போது, வாழ்க்கை என்னும் வீட்டில் நுளையும்போது வாழ்க்கைக்காலம் என்னும் பெறுமதியான சொத்துடன் உள்ளே வந்தோம். திறமைசாலிகள் செல்வச்செளிப்புடனும் பேர் புகழுடனும் உலகைவிட்டுப் போகிறார்கள். சிலர் சோம்பேறிகளாக எதையுமே செய்யாமல் எதையுமே சாதிக்காமல் வாழ்க்கைக்காலத்தை வெறுமனே கரைத்துவிட்டு அடையாளமே தெரியாமல் போய்விடுகிறார்கள். ஆக மொத்த்தில் வெறுக்கையுடனா அல்லது நிரம்பிய கையுடனா போகிறோமென்பது அவரவர் செய்கையைப்பொறுத்தது, வாழும் காலத்தில் அவர் வாழ்ந்த வாழ்க்கையைப் பொறுத்த்து.
வாழ்க்கையே ஒரு கபடிவிளயாட்டுத்தான். காலம் எம்மை வெல்லப் பார்க்கிறது, நாம் காலத்தை வெல்லப்பார்க்கிறோம். காலம் எம்மை வென்றுவிட்டால் நாம் காணாமல் போய் விடுகிறோம். நாம் வென்றுவிடால் காலம் நம் காலடியில் கட்டுண்டு கிடக்கிறது.
வாழ்க்கை ஒரு சூதாட்டம் என்றும் கூறுவார்கள்.
நீங்கள் சூதாட்ட விடுதிக்குப் போயிருக்கிறீர்களா? சூதாட்டவிடுதிக்குள் நுளையும்போது உங்களுக்கு ஒரு சதம்கூடத் தேவையில்லை. சூதாட்ட்தை ஆரம்பிப்பதற்குரிய பணத்தை அவர்களே தருவார்கள். அபோது அதுதான் தங்களை மாட்டவைக்கும் தூண்டில் என்பதை அவர்கள் உணர்வதில்லை. 99 வீதமானோர் அவர்களுக்குக்கிடைத்த பணத்தியும் இழந்து தமிடமுள்ள பணத்தையும் இழந்து, போர்களத்திலிருந்து வெறும் கையுடன் திரும்ம்பிய இராவணன்போல் அஞ்சும் கெட்டு அறிவும் கெட்டு திரும்பிவருவார்கள். அருமையிலும் அருமையாக ஒரு சிலர்தான் அவர்கள் தந்த பணத்துடன் உள்ளதையும் சுருட்டிக்கொண்டு தூண்டில் உணவையும் தின்றுவிட்டு அதனையும் அறுத்துகொடு ஓடும் மீன் போல கம்பீரமாக வெளியே வருவார்கள். இவர்கள் அதிஸ்டசாலிக|ள். முயற்சியாளர்கள் முயற்சியுள்ள அதிஸ்டசாலிகள்.
அதிஸ்டத்தைவிடுங்கள். முயற்சியாளர்கள் என்றுமே தம் வாழ்வில் சோடைபோவது இல்லை. மெய் வருந்தக்கூலி தரும் என்பதற்கிணங்க காலம் கடந்தாயினும் பலன் வந்தே தீரும்.
இன்று எம் வாழ்வோடு இணைந்துவிட்ட இணையத்துக்கு வாருங்கள். Rich India ,என்னும் இணய தளத்தின் தாபகர் திரு அருளானந்தின் இமாலய வளர்ச்சியைக்கண்டு நான் பிரமித்துப்போனேன். நீங்களும் அவசியம் பாருங்கள்.
காலத்துடன் போராடி நாம் காலமாகும்போது நம் உடலை அக்கினி தின்றுவிடுகின்றது. ஆனால் நாம் வாழும் காலத்தில் நாம் பெற்ற பேரும் புகழும் காலம் கடந்தும் நிலைத்திருக்கும் அவை அக்கினியால் அழிவதிலை.
இருந்தாலும் இறந்தாலும் பேர் சொல்லவேண்டும்
இவன்போல யார் என்று ஊர் சொல்லவேண்டும்
என்னும் வாலியின் கவி வரிகளுக்கேற்ப, முயற்சியைத் துரத்திப்பிடிபோம், சோம்பலை துரத்தியடிப்போம், சாதனையாளர் பட்டியலில் நாமும் இடம் பிடிப்போம்.
2015 ம் ஆண்டு காலமாகும்போது, நாம் காலமாகாமல் நிமிர்ந்து நிற்போம்.
இது சாதனை அல்லவா?

பொன். கந்தவேல் – கனடா
10.1.2015

எல்லோருக்கும் இனிய தைப்பொங்கல் வாழ்த்துக்கள்

images (3)

தமிழர்களுக்கு என்று ஒரு சிறப்பு பண்பாடு உண்டு மற்றவர்களுக்கு நன்றி பாராட்டுவது.
அதே போன்று பொங்கலிட்டுப் எம்மை வாழவைக்கும் சூரியனுக்கு படைத்து மகிழ்வது தமிழர் பண்பாடு.
வாசலில் தோறணம் கட்டி,மாக்கோலம் போட்டு, மண் அடுப்பில், பானை வைத்து பொங்கலிட்டு சூரியனை வணங்கி பொங்கலிட்டுப் படைத்து, ஊர் உறவோடு
வயலும் வாழ்வு செழிக்க ,சுற்றமும் சொந்தமும் கூடி பேதங்கள் மறந்து,தை பிறந்தால் வழிபிறக்கும் என்ற நம்பிக்கையில்,வெடிகொளுத்திகொண்டாடும் இப்பொங்கல்நாளில். எல்லோருடைய வாழ்வும் வளமும் செழிக்க அன்புடனும் பாசத்துடனும் வாழ இத்திருநாளில் அனைவரையும் அன்போடு வாழ்த்துகின்றோம்..

இடைக்காடு பழையமாணவர் சங்கம் – கனடா

DSC02169

இடைக்காடு பழையமாணவர் சங்கம் , கனடா – பொதுக்கூட்ட அறிக்கை 03.1.2015

Iஇடைக்காடு பழையமாணவர் சங்கம் , கனடா பொதுக்கூட்ட அறிக்கை 03.1.2015

imv2015

இடைக்காடு பழையமாணவர் சங்கம் கனடாக் கிளையின்  பொதுக்கூட்டம் 03.1.2015 அன்று காலை 10.00 மணியளவில் தலைவர் திரு பொ. கந்தவேல் தலைமையில் கனடா செல்வச்சன்னதி கோவில் மண்டபத்தில் ஆரம்பமானது.

தலைவர் தனது வரவேற்புரையில் வருகைதந்த அனைவர்க்கும் நன்றியையும் புத்தாண்டு வாழ்த்துக்களையும் தெரிவித்துக்கொண்டு கூட்டத்தை தொடக்கிவைத்தார். அவர் மேலும் தனதுரையில் கடந்த 2014 ம் ஆண்டில் சங்கத்தினால் நடாத்தப்பட்ட கோடைகால, மாரிகால  ஒன்றுகூடலை சிறப்புற நடாத்த உதவிய அனைவர்க்கும் செயற்குழு சார்பில் தனது மனமார்ந்த நன்றியைத் தெரிவிப்பதுடன் எதிர்காலத்திலும் சங்கத்தின் செயற்பாடுகள் சிறப்புற நடாத்துவதற்கு அனைவரதும் ஒத்துழைப்பை வேண்டிநின்றார்.

மேலும் அவர் தனதுரையில் கடந்தவருடம் 29.12.2013 அன்றுகூடிய பொதுக்கூட்டத்தில் புதிய செயற்குழுவினை தெரிவுசெய்ததுடன் ஏற்கனவே நடைமுறையிலுள்ள சங்கயாப்பு பொதுச்சபையினால் அங்கீகரிக்கப்படாமையினால் அங்கத்தவர்களின் ஆலோசனை தேவைப்படுமிடத்து வேண்டிய திருத்தங்களுடன்  பொதுச்சபையில் அங்கீகாரத்தைப் பெற தீர்மானிக்கப்பட்டதாகவும் அதன்படி 23.3.2014 அன்று விசேட பொதுக்கூட்டம் கூட்டுவதென்றும் தீர்மானிக்கப்பட்டது.  அன்றைய பொதுச்சபைக்கூட்டத்தில்  வேண்டிய திருத்தங்கள் சபையினரால் முன்மொழியப்பட்டு யாப்பினை இணையத்தில் வெளியிட்டு கூட்டத்தில் பங்குபற்றாத அங்கத்தவர்களின் அபிப்பிராயத்தை  ஒரு மாதகாலத்திற்குள் எழுத்து மூலம் பெறுவதென்றும் தீர்மானிக்கப்பட்டது. அதன்படி அபிப்பிராயங்கள் ஏதும் கிடைக்காமையினால் இப்பொதுச்சபையில் அதனை ஏற்றுக்கொள்வதாக முன்மொழியப்பட்டு அங்கீகரிக்கப்பட்டது.

பின்னர் செயலாளர் அறிக்கை, பொருளாளர் அறிக்கை என்பன சமர்ப்பிக்கப்பட்டு சபையினரால் அனுமதிக்கப்பட்டது. இதன்போது 2013ம் ஆண்டின் செயற்குழுவினால் எமது பாடசாலைக்கு கடனடிப்படையில் வழங்கப்பட்ட ரூபா 13,000,000 (பதின்மூன்று லட்சம்) இன்னமும் எமது சொத்தாக கணிக்கப்படவேண்டும் என சபையோர் தெரிவித்ததனால் அதனை பொருளாளரின்  கணக்கறிக்கையில் குறிப்பிடப்படல்வேண்டும் எனவும் தீர்மானிக்கப்பட்டது.

பின்னர் புதிய செயற்குழு தெரிவுசெய்யப்பட்டது. அதன்படி பின்வருவோர் ஏகமனதாகத்தெரிவு செய்யப்பட்டனர்.

தலைவர்  – திரு. வே. இளங்கோ

உபதைவர்-  திரு பொ. கந்தவேல்

செயலாளர் – திரு நா. மகேசன்

உபசெயளாளர்- திரு ந. சிவகுமாரு

பொருளாளர்.   திரு. கி. புவனச்சந்திரன்

உபபொருளாளர். திரு இ. செல்வராஜ்.

பின்வருவோரும் செயற்குழு அங்கத்தினராகத் தெரிவுசெய்யப்பட்டனர்.

திரு சி. ரூபன்

திரு செ. கணேஸ்

திரு த. முருகன்

திரு க. கந்தையா

திரு. ந.சிவராசா

கூட்டத்தில் பங்குகொண்டு ஆலோசனை வழங்கிய  பேராசிரியர் சின்னத்தம்பி அண்மையில் தாயகம் திரும்பி சிலகாலம் அங்கு தங்கியிருக்க உள்ளதால் எமது சங்கத்தின் தாயக இணைப்பாளராக செயற்படுமாறும் 2016ம் ஆண்டு எமது சங்கத்தின் 25ஆவது ஆண்டு நிறைவின்போது வெளியிடவுள்ள ஆண்டுமலரினை சிறப்புற வெளியிடுவதற்கு ஆக்கபூர்வமான பங்களிப்பை வழங்குமாறும் கேட்டுக்கொள்ளப் பட்டார்.

இவ்வாண்டுக்கான கோடைகால ஒன்றுகூடல் யூலை 19 (19.07.2015) ஞாயிறு அன்று Scarborough நெல்சன் பூங்காவில் நடைபெறும் என்னும் மகிழ்வான அறிவித்தலுடன் கூட்டம் மதியம் 12.30 மணியளவில் இனிதே நிறைவேறியது.

 

ந. மகேசன் – செயலாளர்

05.1.2015.