Articles for November 2018

மேலேஉள்ள ஏதாவது ஒன்று உங்கள் கைகளில் கிடைத்துவிட்டதா ?

 

ticket-new

எமது குளிர்கால ஒன்றுகூடலுக்கு இன்னும் சொற்பநாட்களே உள்ளன. ஒழுங்குகள் யாவும் பூர்த்தியாகிவிட்டது இன்னும் ஏன் தாமதம் ? உங்களுக்கான நுழைவுச்சீட்டுக்களை பெற்றுக்கொண்டு உங்கள் வரவை உறுதிப்படுத்துவதன் மூலம் கடைசி நேர தடங்கல்களை தவிர்த்துக்கொள்ளுங்கள். எவ்வகை பனிமழை பொழியினும் எமது கோடைகால ஒன்றுகூடல் போன்றே இதுவும் நடந்தேதீரும் என்கிறார்கள் செயற்குழுவினர். மழலைகள் தாம் தமிழிலேபாடவும், ஆடவும் முடியுமென்கிறார்கள்  .சிறார்கள் விடுவார்களா என்ன தமது இசைக்கருவிகளை மீட்டுகிறார்கள் .  DJ இளைஞர்குழுவினர் தமது தயார்படுத்தலில் இம்முறையும் முன்னணியில் இருக்க மற்றும் அறிவிப்பாளர்களாக பல்கலைமாணவர்கள் மூவர் தோன்றுகிறார்கள். வயது வந்தவர்களும் தாமும் சளைத்தவர்கள் இல்லை என்கிறார்கள். .சிறப்புவிருந்தினர்களோ ஏற்கனவே கனடாவந்து தாம் ஊரிலேபார்க்காத ஒன்றுகூடலா!!! என்ன!!! என எண்ணி முகாமிட்டிருக்கிறார்கள்.

வழமைபோல் தெரிந்த மண்டபம், விசாலமான வாகனதரிப்பிடவசதி, நெடுச்சாலைக்கு அண்மையாக, எல்லோருக்கும் இலகுவில் வரக்கூடிய குறைந்த தொலைவில் அமைந்திருக்கிறது. .வாருங்கள். வந்து நிகழ்ச்சிகளை கண்டுகளியுங்கள் உண்டுமகிழுங்கள். கூடி குதூகலியுங்கள். இது நிகழ்ச்சிகள் மட்டுமல்ல மறந்துவிடாதீர்கள். .எம் வருங்கால சந்ததிக்கான மேடை அமைத்து கொடுத்து அவர்களின் ஆக்கங்களை ஊக்கப்படுத்துங்கள். அவர்களே உங்களின் பலமான சொத்து .

ஒருநாளாவது வேலைக்கு ஓய்வுகொடுங்கள் மக்காள். நண்பர்கள் உறவினர்கள் ஊரவர்கள் யார் என்பதை ஒருமுறை முழங்குங்கள். ஒருநாளாவது உங்கள் மணித்தியாலங்களை நண்பர்கள், சகமாணவர்களுடன் , உறவுகளுடன் செலவிடுங்கள். நம் பிள்ளைகளுக்கோர் ஓர் உறவுப்பாலத்தை ஏற்படுத்துங்கள் .

நன்றி

என்றும் உங்களை வாஞ்சையுடன் காத்திருக்கும் செயற்குழுவினர்.

குறிப்பு :அச்சிடப்பட்ட அநேகமான நுழைவுச்சீட்டுக்கள் விற்பனையாகி விட்டதனால் இன்னமும் தமது நுழைவுசீட்டுக்களை பெறாதவர்கள் அருகில் உள்ள பின்வரும் அங்கத்தவர்களுடன் தொடர்பு கொள்ளுமாறு கேட்டுக்கொள்கிறோம். வருவோரின் எண்ணிக்கையை பொறுத்து மேலும் அச்சிடுவதற்கு வசதியாக இருக்கும்.

சத்தியா உதயன் : 416 724 7471

கிளி காசி               :416 289 1673

லோஜி சேகர்        :905 940 2454

செல்வராஜ்           :416 525 4548

ரூபன்                     :647 981 3136

படித்ததில் ரசித்தது…

25 வருடங்களுக்கு முன்…*

1. செருப்பு பிய்ந்தால் தைத்து போட்டு க்கொண்டோம்..
2. காதலித்து திருமணம் செய்தாலும் கணவனை “வாங்க, போங்க” என மனைவி அழைப்பாள்.
3. ஆணியில் மாட்டி கிழிந்த துணியை டானிங்க் செய்தது உடுத்தி கொண்டோம்.
4. முதல் நாள் கூட்டு பொறியல் ரசம் சாம்பாரை சுருண்ட செய்து பழங்கஞ்சியுடன் பருகினோம்.
5. எல்லா கல்யாணத்திலும் மத்திய உணவு பிரதானமாக இருந்தது வடை பாயசத்துடன்.
6. ரயில் பயணத்திற்கு புளியன்சாதமும் எலுமிச்சை சாதமும் கட்டி சென்றோம்.
7. பெரும்பாலும் பேருந்தில் தான் போனோம்.
8. பள்ளி மாணவர்கள் குழந்தைகளாக இருந்தனர்.
9. இளையராஜா தான் எங்கும் ஒலித்தார்.
10. பாடல்களின் வரிகள் புரிந்தன.
11. காதலிப்பவர்களுக்கும் உறவுகளுக்கும் கடிதங்கள் எழுதினோம்.
12. ரஜினி கமல் பொங்கல் தீபாவளி க்ரீடிங்க்ஸ் கிடைத்தது.
13. உண்டு களித்து தீபாவளிக்கு சினிமா பார்த்தோம்.
14. காணும் பொங்கலுக்கு உறுவுகளை பார்த்தோம்.
15. திருடனை பிடிக்க ஊரே ஓடியது. இன்று வரிசையில் நின்று திருடர்களை தேர்ந்தெடுக்கின்றனர்.
16. பாம்படிக்க பக்கத்து வீட்டு மாமா வந்தார்.
17. பக்கத்து வீட்டு பெரியவர்களுக்கு பயந்தோம்.
18. கல்யாணத்திற்கு உறவுகள் இரண்டு நாள் முன்னரே வந்தனர்.
19. எல்லாவற்றையும் விட காலை பொழுதுகள் ரம்மியமாக இருந்தது, சுவாசிக்கவும் யோசிக்கவும்.
முன்னேற்றம் என்ற பெயரில் நல்லவற்றை தொலைத்தோம்….
இன்று என்ன தான் உலகம் நவீனமயம் ஆனாலும் தொலைந்த வசந்தகாலத்தை இன்று யாராலும் மீட்க முடியாது…

 

திரு.கந்தையா ஆறுமுகம்

துயர் பகிர்வோம்

2018_JP

மலர்வு; 22-07-1936 உதிர்வு ;01-11-2018

இடைக்காட்டைப் பிறப்பிடமாகவும் கனடாவை வதிவிடமாகவும்
கொண்ட கந்தையா ஆறுமுகம் JP அவர்கள் நேற்று 01-11-2018 கனடாவில் அன்னாரின் இல்லத்தில் இறைபதமடைந்தார்.
அன்னார் அமரர்களான கந்தையா நாகம்மா தம்பதிகளின் மூத்தமகனும், அமரர்களான பொன்னையா பொன்னு அவர்களின் அன்பு மருமகனும், செல்வரத்தினம் (செல்வம்) அவர்களின் அன்புக் கணவருமாவார்.
மேலும் கந்தராசா (காந்தன்) ,சிவச்செல்வி (செல்வி) , பொன்வாசன், அருள்மொழி ஆகியோரின் பாசமிகு தந்தையும், மதிவதனி, கருணாகரன். (வண்ணம்) கோமதி, சிவசத்தியசீலன் (சீலன்). ஆகியோரின் அன்பு மாமனாருமாவார்.
அன்னார் ஜனகன், ஆரணியா, லதுஜா, பொன்தீபிகா, பொன்தேனுகா, செங்கோன், அனிசா, லனுஜா,அனுசன் ஆகியோரின் அன்புப் பேரனுமாவார்.
மேலும் அன்னார் காலம் சென்ற கிருக்ஷ்ணசாமி, தங்கம்மா, அவர்களின் அன்புச் சகோதரரும், அனுசரத்தினம்மா, காலம்சென்ற மகாதேவா,காலம்சென்ற தங்கரத்தினம், அன்னலக்சுமி. மகேந்திரம் ஆகியோரின் அன்பு மைத்துணருமாவார்.
இவ் அறிவித்தலை உற்றார். உறவினர், நண்பர்கள் ஏற்றுக் கொள்ளுமாறு அன்புடன் கேட்டுக் கொள்கிறோம்.

அன்னாரின் குடும்பத்தின் துயரில் இடைக்காடு பழைய மாணவர் சங்கமும் இணைந்து கொள்கின்றது

தகவல்
குடும்பத்தினர்.
தொடர்புகளுக்கு;
கருணாகரன் (வண்ணம்) மருமகன் –கனடா; 416-857-8822
சிவச்செல்வி –மகள் ; 647- 997-2843
சிவசத்தியசீலன் மருமகன் –கனடா; 647-299-8030
பார்வைக்கு;
சனிக்கிழமை,10-11-2018—————மாலை 5-00————9-00 வரை
ஞாயிற்றுக்கிழமை , 11-11-2018 —————-காலை 8-00————9-30 வரை
இறுதிக்கிரியைகள் 11-11-2018 காலை 9-30——–11-30 வரை
இடம்
CHEPEL RIDGE FUNERAL HOME,
8911 WOODBINE AVE. MARKHAM.ON, L 3 R 5 G 1.
தகனம்; ஞாயிறு காலை 12-00 ————12-30
HIGHLAND HILLS CREMATORIUM
12492 WOODBINE AVE,
GORMELY, L 0 H 1 G 0