Articles for October 2020

ரொரன்ரோ பல்கலைக்கழகம் தமிழ் இருக்கை – சொல்லாமல் செய்யும் பெரியோர்

கனடா ரொரன்ரோ பல்கலைக்கழகத்தில் அமையவிருக்கும் தமிழ் இருக்கை நிறுவுவதற்காக தேவையான நிதிப்பங்களிப்புக்காக எமது கிராமத்தவர்கள்சார்பில் அண்மையில் எம்மால் சேகரிக்கப்பட்ட உதவுதொகையான கனடிய டொலர் 4100.00 உரியவர்களிடம் கையளிக்கப்பட்டது. உதவுதொகை அளித்தோர் பெயர், உதவு தொகை ஆகிய விபரங்கள் Torontotamilchair.ca என்ற இணையதளத்தில் Donation பகுதியில் காட்சிப்படுத்தப்பட்டுள்ளது. பல்கலக்கழகச் சமூகம் எம்மிடம் பதாயிரம் டொலர்களை எதிபார்த்தபோதும் நாட்டில் ஏற்பட்டுள்ள அசாதாரண சூழ்நிலைகாரணமாக எம் உறவுகளைத்தொடர்புகொள்ள்ளவோ உரிய இலக்கினை அடையவோ முடியவில்லை. எனினும் நிலைமை சீரடையும்போது முயற்சியைத் தொடர எண்ணியிருந்தோம்.

தமிழ் இருக்கைக்குத் தேவையான மூன்று மில்லியன் டொலர்களில் அரைவாசியை அடைவதற்கே இன்னமும் சிறியதொகை தேவப்படுவதாகத் தெரியவந்தஉள்ளது. மீண்டும் வேகம் கொண்டு முயற்சியைத்தொடரவேண்டியுள்ளது. இது தொடர்பாக நான் அங்கம்வகிக்கும் மார்க்கம் முதியோர் சங்கத்து வாராந்தக் கூட்டத்தில் 11.10.2020 அன்று என் கருத்தினைப் பகிர்ந்துகொண்டேன். அதன் ஒலிவடிவம் கீழே தரப்பட்டுள்ளது. அதையும் கேழுங்கள்.

ரொறன்ரொ பல்கலைக்கழகம் தமிழ் இருக்கைக்கு புனித காரியமாக எமது பங்களிப்பையும் வழங்கவேண்டுமென எனது முகநூலிலும் எமது ஊர் இணையதளத்திலும் அவ்வப்போது எனது கருத்தினைத் தெரிவித்து வந்துள்ளேன்.

இணையதளத்தைபார்வியிட்ட எமது ஊரவர் ஒருவர் அட தானும் இந்த விடயத்தில் பங்குபற்றவேண்டுமே என உணர்ந்து என்னுடன் தொடர்புகொண்டார். தானும் உதவுவதாகக்கூறி, தான், தன் பிள்ளைகள் இருவர், முதியவரான தன் மாமியார் என தலா நூறு டொலர் வீதம் நானூறு டொலர்களை உடனேயே அனுப்பி வைத்துள்ளார்.

எமது முதியோர் எதிர்காலச் சந்ததியினருக்காக, எமது பேரப்பிள்ளைகளுக்காக கனடடிய அரசு தரும் மாதாந்த உதவுதொகையில் ஒரு, நூறு டொலர்களை ஒருமுறை தந்துதவுமாறு எனது முன்னைய பதிவில் கேட்டிருந்தேன். அதனைப்பார்வையிட்ட மேற்படி முதியவரும் அவரது பிள்ளைகளும் தாங்களாகவே முன்வந்து மேற்படி நானூறு டொலர்களை அனுப்பியிருப்பது என்னை மகிழ்வடைய வைத்துள்ளது. என்முன்னால் அவர்கள் உயர்ந்து நிற்கின்றனர்.

வார்த்தைகள் அல்ல, ஒருவரின் செய்கைகளே ஒருவரின் உயரத்தைத் தீர்மானிக்கின்றன.

பல ஆயிரம் டொலர்கள் உம்மிடம் இருந்தாலும் நீங்கள் சிறியவர்தான். அதில் ஒரு நூறு டொலர்களை அடுத்தவருக்கு உதவும்போது நீங்கள் பெரியவர் ஆகிவிடுகிறீர்கள்.

கொரனோ வியாதி இப்போதைக்கு எம்மைவிட்டுப் போவதாகத் தெரியவில்லை. அதற்காக அழுதுகொண்டு நாம் வாழாதிருக்க முடியுமா? நம் வாழ்வில் எத்தனை சவால்களை எதிரிகளைச் சந்திக்கின்றோம். எமக்கு இரு கைகள் உள்ளன. ஒரு கையில் தற்காப்புக் கேடயம். மறுகையில் வெல்வதற்கான கருவி. வாழ்வு வசப்படும்.

முயற்சித்தால் முடியாதது ஏதுமில்லை. பெரியவரின் பெரிய தொகையை விட சிறியவரின் சிறிய தொகை பெரிதானது. இப்போதெல்லாம் பணத்தை அனுப்புவது மிகச் சுலபமானது.எனது மின் அஞ்சலுக்கு அனுப்புங்கள் அடுத்தநொடியில் நீங்கள் உயர்ந்துவிடுவீகள். அனுப்பும்போது உங்கள் பெயரையும் சரியான முகவரியையும் குறிப்பிட மறக்கவேண்டாம். வரிவிலக்குக்கான பற்றுச் சீட்டு உங்கள் வீடு தேடிவரும்.

எனது மின்னஞ்சல் முகவரி – ponkanthavel@yahoo.com

மொன்றியல் உறவுகள் பலரும் உதவுதொகை வழங்குவதற்கு விரும்புவதாகவும் எனவே அவர்கள் இதுதொடர்பாக அங்கு வாழும் எமது உறவுகளான திரு பரமசிவத்துடனனோ (தொ.இல,(514 617 3150) அன்றி திரு நா.மகேந்திரனுடனோ (இல.514 683 6910) மற்றும் நா மகேசனுடனோ (இல. 416 949 1815) தொடர்புகொள்ளுமாறும் கேட்டுக்கொள்கின்றோம். அல்லது தங்கள் விபரத்துடன் எனது மின்னஞ்சலுக்கும் அனுப்பிவைக்கமுடியும்.

உங்கள் உதவுதொகையை முடிந்தால் 31.10.2020க்கு முன்பதாக அனுப்பிவைக்கும்படி மிகவும் பணிவன்புடன் கேட்டுக்கொள்கின்றோம்.

இடைக்காடு மற்றும் வளலாய் என்பன சிறிய ஊர்தான், எதிர்காலத்தில் எமது செய்கைகள் எம்மைப் பெரியவர் ஆக்கும்.

அன்புடன்,

பொன் கந்தவேல் மற்றும் – 647 702 7346

சு. நவகுமர் (நந்தன்) – 416 525 6299

நா. மகேசன் – 416 949 1815

18.10.2020

வாழ்த்துகின்றோம்.

arrasa
எமது நிதியத்தின் தலைவரும் பூநகரி மத்திய கல்லூரியின் அதிபருமாகிய திரு.வேலாயுதர் அரசகேசரி அவர்கள் தெல்லிப்பளை கோட்டக்கல்விப் பணிப்பாளராக இன்று (07.10.2020) தனது கடமைகளை பொறுப்பேற்கவுள்ளார். அவர் மேலும் பல பதவிகளை பெற்று தனது சமூகப் பணிகளை தொடர்ந்தும் சிறப்பாக மேற்கொள்ள வாழ்த்துகின்றோம்.
இடைக்காடு நம்பிக்கை நிதியம்