டொரோண்டோ பல்கலைக்கழகம் – தமிழ் இருக்கை நிறுவுவதற்கான நிதிப்பங்களிப்பு (Feb 21, 2020)
ரொரன்ரோ பல்கலைக்கழகம் – தமிழ் இருக்கை நிறுவுவதற்கான நிதிப்பங்களிப்பு

Tamil Cha

தாயகத்தில் யாழ். இடைக்காடு, வளலாய் கிராமங்களை பிறப்பிடமாகக் கொண்ட எமக்கு கமமும் கல்வியும் இரு கண்கள் போன்றவை.
கமம் எமக்கு உணவூட்டியது, கல்வி எமக்கு அறிவூட்டியது.
நாம் படித்த பாடசாலைக்கு நன்றிக்கடனாய் பல உதவிகளைச் செய்துவந்தோம், செய்துவருகின்றோம்.

நாம் படித்த பாடசாலை எமது தாயகத்தில் இருந்தாலும் புலம் பெயர்ந்த எமது பிள்ளைகள் பேரப்பிள்ளைகளிள் கல்வி புலம்பெயர் தேசத்தில்தான் இருக்கப்போகின்றது. எமது தாய்மொழி தமிழாக இருந்தபோதும் எமது பிள்ளைகளின் மொழி ஆங்கிலமோ, பிரான்சோ, டொச்சோ போன்ற பிறமொழியாகவே இருக்கப்போகின்றது.

எமது பிள்ளைகள் வேறுமொழியைப்பேசினாலும் அவர்களும் தமிழர்களே.
தமிழே எமது அடையாளம். எனவே எமது மொழியான தழிழை எமது பிள்ளைகளுக்கும் பேச எழுதப் பழக்கவேண்டியது எமது சமுதாயக் கடமையாகும்.
தழிழ் கற்பதற்கு நாம் அவர்களுடன் தமிழில் பேசவேண்டும். தழிழ் அறிவு மேம்படுவதற்கு தமிழைக் கற்பிக்கவேண்டும். சரி தழிழை விடுங்கள் ஆங்கிலத்துடன் இன்னொருமொழி தெரிந்திருப்பது அவர்களுக்கு மேலதிகத்தகமை அல்லவா? அது ஏன் தமிழாக இருக்கக்கூடாது? தழிழின் பெருமையை அதன் வரலாற்றுச் சிறப்பையும் அவர்கள் உணரும்போது தாமும் தழிழ் படிக்கவேண்டும் என்ற எண்ணம் நிச்சயம் உருவாகும்.

பல்கலைக்கழகங்கள் அறிவின் உற்பத்திச் சாலைகள். நாம் வாழும் கனடாவில் ரொரன்ரோ பல்கலைக்கழகம் உலகின் முன்னணி பல்கலைக்கழகங்களில் 19வது இடத்தில் உள்ளது.
தழிழ் மீது அக்கறையும் ஆர்வமும்கொண்ட எம்மில் பலர் இது பற்றி சிந்தித்து ரொரன்ரோ பல்கலைக்கழகத்தில் தழிழுக்கான இருக்கைஒன்றை அமைப்பதன்மூலம் தாய்மொழியாம் தழிழை வளர்க்கவும் அதன் பெருமையை உலகறியச் செய்யவும் முடியும் என எண்ணினர்.
தழிழ் இருக்கை ஒனறினை அமைப்பதற்கு ரொரன்ரோ பல்கலைக்கழகத்தை அணுகியபோது எமது மொழியின் பெருமையையும் எமது நியாயமான கோரிக்கையையுனம் ஏற்றுக்கொண்ட பல்கலைக்கழகம் அதன் ஆரம்ப கமுதலீடாக மூன்றுமில்லியன் டொலர்களை வைப்புச் செய்யும்படியும் இந்தநிதியுன் முதலீட்டில் எதிர்காலத்தில் தழிழ் இருக்கை செவ்வனே இயங்கிவரும் என்றும் தெரிவித்துள்ளனர்.

இப்படி ஒர் அரிய சந்தற்பம் கிடைத்ததையிட்டு நாம் கனடிய தேசத்துக்கு நன்றிகூறவேண்டும். அன்றியும் இச் சந்தற்பத்தை நழுவவிடாது பயன்படுத்திக் கொள்ளவும் வேண்டும்.

இம்முயற்சி எமக்கோ எம்மினத்துக்கோ மட்டுப்படுத்தப் பட்டதொன்றல்ல.
தமிழை அறிய, கற்க, ஆராய்ச்சிசெய்ய விரும்பிய அனைவருக்குமே தமிழ் இருக்கையின் கதவு அகலத்திறந்தே இருக்கும்.

கனடாவுக்கு புலம்பெயர்ந்து நாம் வளமாக வாழ்ந்து வருகின்றோம். எமது சந்ததியினர் கல்விமான்களாக அறிவாளிகளாக இம்மண்ணில் வாழவேண்டும். அதற்கு இத்தமிழ் இருக்கை பெருமை சேர்க்கும். எமது பிள்ளைகள் பலர் மாணவர்களாக உள்ளனர். பலர் கல்வி கற்று உயர் பதவிகளில் உள்ளனர். அவர்கள் கணிசமான ஊதியம் பெறுகின்றனர். அதேவேளை தழிழ் இருக்கைக்குழு ஒன்றரை மில்லியன் நிதியை இன்னமும் வேண்டி நிற்கின்றது. உங்களாலான நிதி உதவி அதற்கு பேருதவியாக அமையும்.

16.2.2020 அன்று நடந்த எமது பழைய மாணவர் சங்க பொதுக்கூட்டத்தில் நான் இவ்விடயம்பற்றிக் கூறியபோது இதன் தேவையைப் புரிந்துகொண்டு அங்கு சமூகமளித்திருந்தவர்கள் இரண்டாயிரம் டொலர் வரை அன்பளிப்புசெய்தனர். இது மிகவும் மகிழ்ச்சியளிப்பதாக இருந்தது. இத்தொகை உரியவர்களிடம் எமது பாடசாலை பழையமாணவர்களின் சார்பாக கையளிக்கும்போது அவர்களால் வழங்கப்படும் பற்றுசீட்டை வருடாந்த வருமான கணக்கு சமர்ப்பிக்கும்போது கொடயாளிகளுக்கு அத்தொகைக்கு வரிவிலக்கு அளிக்கப்படும்.

அன்றையதினம் கூட்டத்துக்கு சமூகமளிகாதவர்கள் இப்பயனுள்ள பணிக்கு நன்கொடை வழங்க விரும்புவோர்.torantotamailchair.ca என்னும் இணைய தளத்துக்குச் சென்று Donate என்னும் தெரிவில் கொடுப்பனவுக் கானவிபரத்தைத்தெரிந்துகொள்ளலாம்.

காசோலைமூலம் கொடுப்பனவு மேற்கொள்ளவிரும்பின் university of toranto என்னுனம் பெயருக்கு வரையப்பட்ட காசோலையை என்னிடம் ஒப்படைத்தால் உரியவர்களிடம் அதனைக் கொடுத்து உங்களுக்கான பற்றுச் சீட்டைப் பெற்றுத்தரமுடியும்.

கடனட்டை மூலம் கொடுப்பனவை மேற்கொள்ளவிரும்பின் நேரடியாக( online)பங்களிப்பை செலுத்தி அதன்மூலம் உடனடியாகவே பற்றுச் சீட்டைப் பெற்றுக்கொள்ளலாம்.

எனினும் எம் அங்கத்தவர்களின் முழுத்தொகையும் ஒன்றாகச் சேர்த்து வழங்கினால் அது பெரிய தொகையாக இருப்பதுடன் எமக்கும் எம் பாடசாலைக்கும் பெருமை சேர்ப்பதாகவும் அமையும்.

இது தொடர்கபாக என்னுடன் தொடர்புகொள்ள விரும்பினால் எனது தொலைபேசி இல. 647 702 7346. email. ponkanthavel@yahoo.com.
நன்றி.

பொன்.கந்தவேல்
21.2.2020