கோடைகால ஒன்று கூடல் கனடா – 2018

Date: May 21, 2018 Author: Website Committee

இடைக்காடு மகா வித்தியால பழைய மாணவர் சங்கம் கனடா கிளை

இவ் ஆண்டிற்கான இடைக்காடு மகா வித்தியாலய பழைய மாணவர் சங்க கனடா கிளையின் கோடைகால ஒன்று கூடல் வருகிற ஆடி மாதம் 22 ம் திகதி ஞாயிறுக்கிழமை மிகவும் சிறப்பாக நடைபெற இருக்கின்றது. ஆகையால் எமது முதலாவது செயற்குழு அமர்வு வருகிற ஆனி மாதம் 17 ம் திகதி ஞாயிறுக்கிழமை சரியாக மாலை 3 மணிக்கு ஆரம்பமாகும்.

செயலமர்வு 4 RITZ GARDEN COURT , SCARBOROUGH என்னும் விலாசத்தில் நடைபெறும். நிகழ்ச்சிகள் மற்றும் ஒன்று கூடல் பற்றிய பல முக்கிய விடயங்களை ஆராய இருப்பதனால் செயற்குழு உறுப்பினர்கள், நலன்விரும்பிகள், ஆர்வலர்கள் மற்றும் ஆலோசகர்கள் அனைவரும் தவறாது சமூகமளிக்குமாறு அன்புடன் வேண்டப்படுகின்றீர்கள்.

நன்றி

செயலாளர் ப.சிவரூபன்.

திருமதி. ஆறுமுகம் புவனேஸ்வரி

Date: April 19, 2018 Author: Website Committee

துயர் பகிர்வோம்

திருமதி ஆறுமுகம் புவனேஸ்வரி தோற்றம்: 08.06.1925 மறைவு: 18.04.2018

இடைக்காட்டை பிறப்பிடமாகவும் வசிப்பிடமாகவும் கொண்ட திருமதி ஆறுமுகம் புவனேஸ்வரி
18/04/2018 அன்று காலமாகிவிட்டார்.

அன்னார் அமரர்கள் கந்தையா, வள்ளியம்மையின் புதல்வியும் அமரர் சின்னையா ஆறுமுகத்தின் (இளைப்பாறிய அதிபர் ) அன்பு மனைவியும் சாரதாதேவி (Retd. Pharmacist), சாந்தநாயகி (Retd. Teacher), கமலாம்பிகை, விமலாதேவி (Retd. VC Secretary), யோகேஸ்வரி (Retd. Teacher), ஆனந்தஈஸ்வரி (Teacher, Idaikkadu M.V), ஆனந்தராணி (London) ஆகியோரின் அன்பு தாயாரும் அமரர் சோமாஸ்கந்தா (Retd. Pharmacist) மற்றும் புவனேஸ்வரன் (Retd. Deputy Director), தணிகாசலம், சந்திரயோகன் (Retd. VC Secretary), சந்திரகுமார் (K.T.S. Lorry), நாகநாதன், காந்தலிங்கம் (London) ஆகியோரின் அன்பு மாமியாரும் பிரசாந்தி (Doctor, Norway) , மதனகுமாரா (Doctor, UK) , சர்மிஷ்டா (Accountant, Canada), வத்சல்யன் (Engineer) , சுதர்சனா (Australia), கோகுல் (Lecturer) , சந்திரிகா (France) , தர்சிகா (Doctor), சிவப்பிரியன், காருஜன், சாம்பவி ஆகியோரின் பேத்தியும் ஆதிஸ், அன்ஜா, மயூகா, , ஷோணன், லேகா, ஈகன், இஷானி, கெளரீஷ், இமயா, யதீஷன், ஆதுஷன், மாதுரி, மதுஜன், கருண் ஆகியோரின் பூட்டியும் ஆவார்.

அன்னாரின் இறுதிக்கிரியைகள் 19/04/2018 அன்று இத்தியடி, இடைக்காட்டில் உள்ள அவரது இல்லத்தில் நடைபெற்று பூதவுடல் 1.00 மணி அளவில் தகனகிரியைகளுக்காக இடைக்காடு இந்து மயானத்திற்கு எடுத்து செல்லப்படும்.

அன்னாரின் குடும்பத்தின் துயரில் இடைக்காடு பழைய மாணவர் சங்கமும் இணைந்து கொள்கின்றது

இத்தகவலை உற்றார், உறவினர், நண்பர்கள், அனைவரும் ஏற்றுக்கொள்ளவும்.

தொடர்புகளுக்கு:
சாரதா:+1 416 6280323
காந்தன்: +44 20 3092 2902
ஆனந்தி:+94 21 3219381

“நித்திரையில் இருக்கும் தமிழா, உனக்குத் தமிழ்ப் புத்தாண்டு.”

Date: April 14, 2018 Author: Website Committee

இ.ம.வி பழைய மாணவர் சங்க கனடா

முத்தமிழ் விழா

Date: April 8, 2018 Author: Website Committee

J/IMV

நீங்காத் துயில் கொண்ட சோமு தணிகாசலம்.

Date: January 20, 2018 Author: Website Committee

ஊரோடு ஊராகி, உறவோடு உறவாகி, வாழ்வோடு வாழ்வாகி, நோயோடு போராடி நீங்காத் துயில் கொண்ட சோமு தணிகாசலம்.

எமது ஊர் சிறியதாயினும் பல பெரியோர் வாழ்ந்த, வாழ்கின்ற ஒரு பொன்னான பூமி. ஐம்பதுகளில் அறுபதுகளில் நாம் யார், எமது ஊர் எதுவென பெரிதாக வெளியே தெரியாத வேளையில் பல இளைஞர் அரச சேவையில் இணைந்து கொண்டனர். பலர் வாழ்வு தேடி வன்னிக்குப் போயினர். வாலிப மிடுக்குடன் இருந்த அவர்கள் அனைவருக்கும், நாம் உயர வேண்டும், நம்மவர் உயரவேண்டும் என்பதே தணியாத தாகமாய் இருந்தது. அதற்கு முன்னோடியாய், வழிகாட்டியாய் அப்போது செயற்பட்டவர் எமது சோம தணிதான்.அவர்களது செயற்பாடுகள் எம்மை வெளி உலகிற்கு வெளிச்சம்போட்டுக் காட்டின.
தமது செய்கையால் தம்மை அடையாளம் காட்டி நிற்போரும் காலம் வரும் போது காலமாவது இயற்கையானதே. அத்தகையோர் பட்டியலில் இன்றும் ஒருவர் இணைந்து கொண்டார்.
சோம தணிகாசலம் என எம் அனைவராலும் அறியப்பட்ட எமதூர் சோமசுந்தரம் ஆசிரியரின் மகனாக 24.3.1942ல் அவதரித்த தணிகாசலம் அவர்கள் வவுனியாவில் வாழ்ந்து வரும் கால்18.01.2018ல் தன் வாழ்க்கைப் பயணத்தை நிறைவுசெய்து அமரராகிவிட்டார்.
தனது பாடசாலைக் கல்வியை நிறைவு செய்து நில அளவைத் திணைக்களத்தில் பட வரைஞராக அரச சேவையில் இணைந்து கொண்ட அவர் தனக்காக வாழ்ந்ததை விட பிறருக்காக வாழ்ந்த காலமே அதிகமானது.
விவசாயக் கிராமமான எமதூரில் அறுபதுகளிலும் எழுபதுகளிலும் அரச சேவையில் சேர்வோர் கொழும்புக்கு சென்று அங்கு தங்கியிருப்பதற்கும் அவரது ஆலோசனைகளையும் உதவிகளையும் மறக்கமுடியாதவை. அரச அலுவலகங்களில் எவருக்கு ஏதாவது அலுவல் ஆக வேண்டியிருந்தால் அவர்களுக்கு முதலில் ஞாபகம் வருவது தணிகாசலம்தான். அவ்வாறு அனைவருக்கும் வேண்டிய உதவிகளை சலிப்பின்றி செய்துவரும் ஒருவராக அனைவராலும் விரும்பப்பட்ட ஒருவராகவே அவர் வாழ்ந்து வந்தார்.
ஒரு பட வரைஞராக இருந்ததாலோ என்னவோ அவரது முத்து முத்தான கையெழுத்தைக் கண்டு நான் அதிசயிப்பதுண்டு. நில அளவைத் திணைக்களத்தில் அவரைத் தெரியாத எவருமே இல்லை எனலாம். கீழ் மட்ட உத்தியோகத்தர் முதல் மேல் மட்ட உத்தியோகத்தர் வரை எவருடனும் நட்புடனும் அன்புடனும் பழகும் அவர் நிறையவே நண்பர்களைச் சம்பாதித்துக் கொண்டார்.
எமது வாழ்வில் எவருக்கு எப்போது என்ன நடக்கும் என்று எதுவுமே எமக்குத் தெரியாது.. தனது அரச சேவையின் ஓய்வின் பின் புத்தளத்தில் கடமையாற்றிய போது எதிர்பாராத வகையில் வீட்டில் ஏற்பட்ட ஒரு விபத்தில் சிக்கி பாரிசவாத நோய்க்கு ஆட்பட்டார். அதுவே பிற்காலத்தில் அவரை நிரந்தர நோயாளியாக்கிவிட்டது. எவருக்கும் உதவியேயன்றி எந்த தீமையும் செய்தறியாத அவருக்கு இப்படி வியாதி ஏற்பட்டது மிகவும் துரதிஸ்டமானதே.
தனது இல் வாழ்வின் அடையாளமாக நேசமிகு மனைவியையும் பாசமிகு இரு பிள்ளைகளையும் இவ்வுலகில் விட்டுச்சென்ற அவர் தான் வாழும் காலத்தில் அவர் செய்த நல்வினைகள் அவரை சொர்க்கத்தில் வாழவைக்கும்.
அவர் ஆன்மா அமைதி பெறுவதாக.
வையத்துள் வாழ்வாங்கு வாழ்பவன் வானுறையும்
தெய்வத்துள் வைக்கப்படும் – குறள்

பொன் கந்தவேல்
கனடா 19.1.2018

திரு .சோமசுந்தரம் தணிகாசலம்

Date: January 19, 2018 Author: Website Committee

துயர் பகிர்வோம்

திரு .சோமசுந்தரம் தணிகாசலம் வவுனியாவில் இறைபதமடைந்தார்.
இடைக்காடைப் பிறப்பிடமாகவும், வவுனியாவை வதிவிடமாகவும் கொண்ட திரு .சோமசுந்தரம் தணிகாசலம் ( சோம தணி ) வியாழன் மாலை வவுனியாவில் அன்னாரின் இல்லத்தில் இறைபதமடைந்தார்.
அன்னார் மனோன்மணியின் அன்புக்கணவரும், சுமதி, சுஜீவன் ஆகியோரின் அன்புத் தந்தையும், புலேந்திரராசா அவர்களின் அன்பு மாமனாரும், டார்த்தி அவர்களின் அன்புப் பேரனுமாவார்.
அன்னாரின் ஈமக் கிரியைகள் வவுனியாவில் நடைபெறும் திகதி பின்னர் அறியத்தரப்படும்
இவ் அறிவித்தலை உற்றார் உறவினர் நண்பர்கள் ஏற்றுக் கொள்ளவும்