பிடிவாதம்

பிடிவாதம்

சங்கரப்பிள்ளை
வெங்காயம் விற்க
சந்தைக்குப் போனார்
வெங்காயம் இன்றைக்கு
நல்ல சூடாம்
சங்கரப்பிள்ளைக்கு
ஒரே புழுகம்
நேற்றைய நட்டத்தை
எடுக்க வேணும்
வியாபாரிகளிடையே
நல்ல போட்டி
சொன்னால் சொன்னதுதான்
ஐந்து சதமும்
குறையமாட்டேன்
நேரம் ஆக ஆக
சனமும் போய்
சந்தையும் கலைந்து
சங்கரப்பிள்ளை
தனியே நின்றார்
கடைசி வியாபாரிக்கே
கேட்ட விலைக்கே
அதுவும்
கடனாய்க் கொடுத்து
அழுதபடியே
சங்கரப்பிள்ளை
வீட்டே வந்தார்

 

download

17.5.2016

நிதி அன்பளிப்பு

logo-idai-trust5
அன்பான இடைக்காடு வாழ் மக்கள் மற்றும் புலம்பெயர் நலன்விரும்பிகள் அனைவருக்கும்

இடைக்காடு நம்பிக்கை நிதியத்தின் செயற்பாடுகளிற்காக எமது ஊர் புலம்பெயர் குடும்பங்களை சேர்ந்த பத்து நலன்விரும்பிகள் தலா 1000 Canadian dollar  (இலங்கை ரூபா.114,000/=) நிதியினை எமது நிதியத்திற்கு அன்பளிப்பாக வழங்கியுள்ளனர்.

மேற்படி ரூபா.1,140,000/= (ரூபா. பதினொரு இலட்சத்து நாற்பதினாயிரம்) நிதியினை எமது நிதியத்திற்கு அன்பளிப்பாக வழங்கிய புலம்பெயர் நலன்விரும்பிகள் அனைவருக்கும் எமது நிதியத்தின் சார்பாக நன்றியினை தெரிவித்துக்கொள்கின்றோம்.

அன்பளிப்பு செய்தோர் விபரம்:

  • Toronto, Canada : 06
  • Montreal, Canada : 03
  • Australia : 01

இவ்வாறான நிதிப்பங்களிப்பினை எமது ஊர் மற்றும் புலம்பெயர் நலன்விரும்மிகளிடம் இருந்து கிடைக்கப்பெறும் பட்சத்தில் நிதியத்தின் செயற்பாடுகளை சிறப்பான முறையில் முன்னெடுத்து செல்ல முடியும்.

எமது நிதிய செயற்றிட்டங்கள் மற்றும் தற்போதய செயற்பாடுகள் பற்றிய விபரங்களை எதிர்வரும் வாரங்களில் அறியத்தரப்படும்.

அனைவரது ஒத்துழைப்பினையும் ஆதரவினையும் வேண்டிநிற்கின்றோம்.

ஒன்றுபடுவோம் ! உழைப்போம் ! உயர்வோம் !

இடைக்காடு நம்பிக்கை நிதியம்

திரு. நடராஜா குமரேசபசுபதி

2016_IMG_0052

திரு நடராஜா குமரேசபசுபதி மலர்வு 19/06/1934 உதிர்வு12/07/2016 (ஓய்வுபெற்ற கூட்டுறவு பயிற்சி கல்லூரி அதிபர், ஓய்வுபெற்ற பொது முகாமையாளர், பலநோக்கு கூட்டுறவுச்சங்கம், நீர்வேலி)

துயர் பகிர்வோம்.

அச்சுவேலி, இடைக்காட்டைப் பிறப்பிடமாகவும், வரணி, கட்டைப்பிராய், Toronto ஆகிய இடங்களை வதிவிடமாகவும் கொண்டிருந்த திரு நடராஜா குமரேசபசுபதி அவர்கள் 12/07/2016 செவ்வாய்க்கிழமை இறைபதம் அடைந்தார்.

அன்னார் காலஞ்சென்றவர்களான நடராஜா(முத்து வாத்தியார்)-கண்மணி தம்பதிகளின் சிரேஷ்ட புத்திரனும் காலஞ்சென்றவர்களான காசிநாதர்(முத்தையா)-நாகம்மா (வரணி) ஆகியோரின் பாசமிகு மருமகனும் காலஞ்சென்ற யோகேஸ்வரி(இளைப்பாறிய ஆங்கில ஆசிரியை) அவர்களின் அன்புக்கணவரும் பவன்(Australia), கிரிதரன்(USA), ருசாந்தி(UK) ஆகியோரின் பாசமிகு தந்தையாரும் மதிவதனி, பவானி, சிவநேசன் ஆகியோரின் அன்பு மாமனாரும் சுவாதி, கபிலன், நிஷாந்த், நந்தனா, கீரன் ஆகியோரின் பாசமிகு பேரனும்
செல்வநாயகி, சிவபாக்கியம், காலஞ்சென்ற மாணிக்கவாசகர், சிவபாதசுந்தரம், காலஞ்சென்ற பொன்மலர் ஆகியோரின் அன்புச்சகோதரரும் ராஜேஸ்வரி, பரநிருபசிங்கம் தர்மகுலசிங்கம், சிவராசசிங்கம் பாஸ்கரலிங்கம் சசிதேவி காலஞ்சென்ற கமலவேணி,கந்தசாமி, வசந்தி, காலஞ்சென்ற தவராஜலிங்கம் ஆகியோரின் அன்பு மைத்துனரும் ஆவர்.

இவ்வறிவித்தலை உற்றார் உறவினர் நண்பர்கள் ஏற்றுக்கொள்ளவும்.

அன்னாரின் குடும்பத்தின் துயரில் இடைக்காடு பழைய மாணவர் சங்கமும் இணைந்து கொள்கின்றது

இறுதிக்கிரியை பற்றிய விபரங்கள்

Visitation:
FridayJuly 15, 2016 at 5.00 pm – 09.00 pm
Ogden Funeral Homes, 4164 Sheppard Avenue East, Scarborough, ON, M1S 1T3

Service:
Saturday July, 2016 at 08.00 am
Ogden Funeral Homes, 4164 Sheppard Avenue East, Scarborough, ON, M1S 1T3

Cemetery/Crematorium
St.Johns Norway Cemetery & Crematorium, 256 Kingston Road, ON, M4L 1S7

தகவல்
Bhavan: 0016473467807(Canada), 0061280122357(Australia)bhavan69@gmail.com
Giri:0012032761620(USA)kgiritharan@gmail.com
Shanthi: 00442089314467 (UK) roushanthi@yahoo.com
Nesan:00447931592276 (UK) swakaa@gmail.com

திருமதி சரஸ்வதி கிருஷ்ணர்

துயர் பகிர்வோம்.

2016_gh

இடைக்காட்டைப் பிறப்பிடமாகவும் கொழும்பு, சொய்சாபுரத்தை வதிவிடமாகவும் கொண்ட திருமதி. சரஸ்வதி கிருஷ்ணர் அவர்கள் இன்று 11/07/2016 திங்கள்கிழமை இறைபதம் அடைந்தார்.

அன்னார் காலஞ்சென்றவர்களான பொன்னம்பலம், பொன்னம்மா தம்பதிகளின் அன்பு மகளும் காலஞ்சென்றவர்களான கதிர்காமு, தெய்வானைப்பிள்ளை தம்பதிகளின் அன்பு மருமகளும் திரு. கிருஷ்ணர் அவர்களின் அன்பு மனைவியும் மலர்விழி, புவனச்சந்திரன், ரவீந்திரன் செல்வவிழி ஆகியோரின் பாசமிகு தாயாரும் சுதாகரன், சுதர்சினி, அருந்ததி ஆகியோரின் அன்பு மாமியாரும் ஆருஜன், அனுஜன், அன்பினி ஆகியோரின் அன்பு பேர்த்தியும்

காலஞ்சென்ற சிவஞானம், செல்வநாயகம், அன்னபாக்கியம், காலஞ்சென்ற இளையதம்பி, இராசம்மா, தங்கராசா ஆகியோரின் அன்புச்சகோதரியும் இராசமணி, தங்கம்மா, காலஞ்சென்ற இராசையா, தங்கம்மா, காலஞ்சென்ற ஜெயாஇந்திரா, சிவயோகநாயகி, ஆகியோரின் அன்பு மைத்தினியும் ஆவர்.

அன்னாரின் இறுதிகிரியைகள் வியாழக்கிழமை இடம்பெறும். மேலதிக விபரங்கள் பின்னர் அறியத்தரப்படும்.

அன்னாரின் குடும்பத்தின் துயரில் இடைக்காடு பழைய மாணவர் சங்கமும் இணைந்து கொள்கின்றது

தொடர்புகளுக்கு
திரு. கிருஷ்ணர் + 94 11 2605578 (Sri Lanka)
திரு. புவனச்சந்திரன் + 1 647 9078068 (Canada)
திரு. இரவீந்திரன் + 94 11 262 3543 (Sri Lanka)

Idaikkadu Trust Website/இடைக்காடு நம்பிக்கை நிதியம்

Untitled-1

அன்பான இடைக்காடு வாழ் மக்கள் மற்றும் புலம்பெயர் நலன்விரும்பிகள் அனைவருக்கும்
இடைக்காடு கிராமத்தில் வாழும்
மக்களது சமூக, பொருளாதார, கலாச்சார விழுமியங்களை மேம்படுத்தும் நோக்கோடு இடைக்காடு வாழ் மக்கள் மற்றும் நலன்விரும்பிகளால் 31.01.2016 திகதி இரவு எட்டு மணியளவில் இடைக்காடு மாணிக்க இடைக்காடர் சனசமூக நிலையத்தில் நடைபெற்ற பொதுக்கூட்டத்தில் பின்வரும் உறுப்பினர்களை கொண்ட ‘இடைக்காடு நம்பிக்கை நிதியம்’ ஆரம்பிக்கப்பட்டுள்ளது என்தனை மகிழ்ச்சியுடன் தெரிவித்துக்கொள்கின்றோம்.
அத்துடன் எமது நிதியமானது யாழ்ப்பாண காணிப்பதிவகத்தில் 8319 என்னும் பதிவு இலக்கத்தில் 06.04.2016 ஆம் திகதி பதிவு செய்யப்பட்டுள்ளது.
அனைவரது ஒத்துழைப்பையும் ஆலோசனைகயும் வேண்டி நிற்கின்றோம்.
ஒன்றுபடுவோம்! உழைப்போம்! உயர்வோம்!

12x8-300x200

நன்றி

Here is the link for our partner website, Idaikkadu Trust.

  மேலதிக விபரங்களிற்கு http://idaikkadutrust.com/  இனை பார்வையிடவும்.

10 ஆண்டுகளை நிறைவு செய்கின்றது IDAIKKADUWEB.COM

youth-winter-get-together-2012-4

இணையத்தின் உருவாக்கம் பற்றிய சிறிய விளக்கத்துடன் எமது இடைக்காடு இணையத்தளத்தின் ஆரம்பம், அதன் வளர்ச்சி என்பன பற்றிய தெளிவான பார்வையினை முன் வைக்க விளைகின்றது இடைக்காடு இணையத்தள செயற்குழு.

60 களின் ஆரம்பத்தில் மற்றும் 50 களின் பிற்பகுதிகளிலும் இன்றைய இணையத்தளம் ஆரம்பமானது என்று ஏற்றுக்கொள்ளப்படுகின்றது. இன்றைய அறிவியல் தொழில் நுட்ப வளர்ச்சிக்கு  உலகின் முதன்மை வேராக இருப்பது தகவல் தொடர்புகள் தான். மேல் சென்று கூறுவதானால் துல்லியமான தகவல் தொடர்புகள் என்பதில் ஐயமில்லை.

ஆரம்ப காலத்தில் ஒலி எழுப்புதல்,அபிநயம்,எழுத்துப் பரிமாணம்,தந்தி,தொலைபேசி,தொலைநகல் தற்போது இணையம் வரை வந்து நிற்கின்றது. இதன் வரவு உயர்மட்ட அறிவியலின் தொடர்புகளை மிகவும் இலகு நிலைக்கு கொண்டு வந்து உலகின் ஒரு குக்கிராமத்தில் இருக்கும் தகவல்களைக் கூட துல்லியமாக உலகத்தின் மறு முனையில் இருக்கும் மக்களுக்கு மறு நொடியில்  பரிமாறும் மாபெரும் வளர்ச்சியினைக் கண்டுள்ளது.

இனி, இத் தகவல் பரிமாற்றமான இணையமானது சமூக பண்பாடு பற்றி பார்ப்போமானால் முன்னேற்றகரமான அறிவியல் தகவல்களையும் மறு புறத்தே மிகவும் கீழ்த்தரமான சமூக சீர் கேட்டு தகவல்களையும் எவ்விதமான கட்டுப்பாடுகளும் இன்றி கிடைக்கப் பெறுகின்றன. இதில் மிகவும் பாதிப்படையும் சமூகமாக அறிவியல் முதிர்ச்சியற்ற,கலாச்சார தெளிவில்லாத,தற்திறனாய்வற்ற,சுயசிந்தனை இல்லாதவர்கள் தான் பெரிதும் பாதிப்படைகின்றனர்.

இவற்றை எல்லாம் நன்கு அறிந்துணர்ந்த எமது இடைக்காடு வாழ் அறியோர்கள் எம்மையும் இவ் அறிவியல் யுகத்தில் இணைத்துக்கொள்ளும் முகமாக 2004 ம் வருடத்தில் (பார்க்க இத்திமலர் 2013 பக்கம் 13,14) எம்மை எல்லோரையும் இணைக்கும் முகமாக இவ் இணையத்தினை கனடாவில் உருவாக்கினார்கள். இதன் ஆரம்ப காலங்கள் பல சிரமங்கள் நிறைந்ததாகவும் சரியான ஒழுங்கிணைவுகள் இல்லை என்பதினை உணர்ந்த இடைக்காடு பழைய மாணவர் சங்கம் (கனடா) இவற்றை நிவர்த்தி செய்யும் பொருட்டு 2006 இல் தற்போது எமக்கு பல்வகையான தகவல்களை தருகின்ற IDAIKKADUWEB.COM  என்ற புதிய வடிவில் உருவாக்கினர்.

2006,2007 ம் வருடங்களில் எமது இணையமானது பல வகையான நிர்வாக,தகவல் பரிமாற்றம் மிகவும் நலிவடைந்துள்ளதனை கருத்தில் கொண்ட இடைக்காடு பழைய மாணவர் சங்கம் கனடா 2008 இல் இணையத்தள குழுவினை உருவாக்கி அறிவியல் தளத்தில் நன்கு பரிட்சயமான “இளையோரிடம்” இடைக்காடு பழைய மாணவர் சங்கத்தின் ( கனடா) மேற்பார்வையில், நாள் ஒரு வண்ணம் பொழுதொரு மேனியுமாக மெருகூட்டப்பட்டு வளர்ச்சிப் பாதையில் செல்கின்றது.

இவ் வருடம் IDAIKKADUWEB.COM  என்ற பெயரில் ஆரம்பிக்கப்பட்டு 10 ஆண்டுகளை நிறைவு செய்கின்றது.(16-06-2006)  இப் பாரிய முன்னேற்றகரமான செயற்பாடுகள் தொடர்வதற்கு உங்கள் அனைவரின் தொடர்ச்சியான ஒத்துழைப்பு இன்றியமையாதது.

2008 இல் பொறுப்பேற்ற இளையோர் அணி பல வகையான மாற்றங்களை தந்தனர். அழகுற வடிவமைக்கப்பட்ட முகத்திரை, இலகு முறை பதிவேற்றம்,பாடசாலை மற்றும் நம் கிராமம் பற்றிய தெளிவான தகவல்கள்,துல்லியமான நிழற்படங்கள்,துயர்பகிர்வு செய்திகள்,தரம் அறிந்த புதிய தகவல்கள் என பல வகையான சிறப்புகளுடன் அதி வேகமாக முன்னேறிவரும் இணையத்தளப்பரப்பில்  உன்னதமான சேவையினை IDAIKKADUWEB.COM  நம் எல்லோருக்கும் அளித்து வருகின்றது.

  நன்றி.

 

திரு.வல்லிபுரம் வடிவேலு

IMG_0892[1]

திரு.வல்லிபுரம் வடிவேலு (ஓவசியர்)(L .D .O ) தோற்றம்: 20-03-1930 மறைவு: 06.06-2016

துயர் பகிர்வோம்.

 

அச்சுவேலி இடைக்காட்டை பிறப்பிடமாகவும் முல்லைத்தீவு கொக்கிளாயில் வாழ்ந்தவரும் CANADA MONTREAL , TORONTO  வை வதிவிடமாகவும் கொண்ட திரு.வல்லிபுரம் வடிவேலு 05.06-2016 அன்று இறைவனடி எய்தினார்.

அன்னார் காலம் சென்றவர்களான  வல்லிபுரம்-வள்ளிப்பிள்ளை தம்பதிகளின் அன்பு மகனும் பொன்னையா-பொன்னு தம்பதிகளின் அன்பு மருமகனும்,

அனுஷரத்தினம்மா அவர்களின் அன்பு கணவரும்,

தயாசோதி ,(MONTREAL ), தயாளினி (MONTREAL ), தயாவதனி (TORONTO ), தயாரூபன் (TORONTO ), தயாரூபி(MONTREAL ) ஆகியோரின் பாசமிகு தந்தையுமாவார்.

நவநீதமலர், இராஜசேகரன் , அருமைநாயகம் , சுரேகா,தவரூபன் , ஆகியோரின் மாமனாரும்

காலம் சென்றவர்களான சிதம்பரப்பிள்ளை , சிவபாக்கியம் ,கனகசபை மற்றும் இராசம்மா , பொன்னம்மா ஆகியோரின் அன்பு சகோதரரும்

காலம் சென்றவர்களான மகாதேவா,அருளம்மா மற்றும் செல்வரத்தினம்,அன்னலட்சுமி , மகேந்திரம்  ஆகியோரின் மைத்துனரும்

கஜீபன் , வினுஷன் , யாதுகா , துதிகன் , கவினா, மீனகா , துளசிகன், கஜன், நவீனா, கரினா , சச்சின் , பரணிதன் ,வைஷ்ணவி, சங்கவி   ஆகியோரின் அன்பு பேரனுமாவார்.

இவ் அறிவித்தலை உற்றார் உறவினர் நண்பர்கள் அனைவரும் ஏற்றுக்கொள்ளுமாறு கேட்டுகொள்கிறோம் .

அன்னாரின் குடும்பத்தின் துயரில் இடைக்காடு பழைய மாணவர் சங்கமும் இணைந்து கொள்கின்றது

நிகழ்வுகள் :

பார்வைக்கு:

சனிக்கிழமை  11-06-2016

05:00 பி.ப  – 9:00 பி.ப

CHAPEL RIDGE FUNERAL HOME & CREMATION CENTRE

8911 WOODBINE AVE, MARKHAM

ON, L3R 5G1, CANADA

ஞாயிற்றுகிழமை 12-06-2016

8:00 மு.ப  – 9:15 மு.ப

கிரியை :

9:15 மு.ப – 11:15 மு.ப

தகனம்:

ஞாயிற்றுகிழமை 12-06-2016

12:00 பி,ப – 12:15 பி.ப

ST.JOHN’S NORWAY CREMATORIUM

256 KINGSTON ROAD, TORONTO, ON

 

தொடர்புகளிற்கு :

தயாசோதி 514-889-3121

சேகர் – 514-578-7036

அருமை-647-466-9335

ரூபன்-416-833-0914

ரூபன்-438-881-1088

தகவல் – கும்பத்தினர்

இடைக்காடு பழைய மாணவர் சங்க கனடா கிளையின் பொதுக்கூட்டம்

DSC02519-1920x540இடைக்காடு பழைய மாணவர் சங்க கனடா கிளையின் பொதுக்கூட்டம்

எமது கோடைகால ஒன்றுகூடல் மற்றும்  “வெள்ளி விழாமலர்” வெளியீடு பற்றிய செயற்திட்ட பொதுக்கூட்டம் எதிர்வரும் 12ம் திகதி (Sunday ) 3.00,மணி அளவில் திரு.திருமதி .உதயணன் சத்தியதேவி  இல்லத்தில் நடைபெற உள்ளது.

அனைத்து பழைய மாணவர்கள், அங்கத்துவர்கள் மற்றும் நலன்விரும்பிகள் அனைவரும் இதியில் கலந்துகொண்டு தங்கள் ஆலோசனைகளை வழங்குமாறு அன்புடன் கேட்டுகொள்கிறோம்

இடம்:

126 Keeler Blvd

Toronto,M1E 4K9.

நேரம்:  3:00 PM

நாள்:  Sunday, June 12th, 2016

சங்க உறுப்பினர்கள், பழைய மாணவர்கள் மற்றும்  நலன் விரும்பிகள் அனைவரும் அன்புடன் அழைக்கப் படுகின்றீர்கள்!

நன்றி!

05-06-2016

செயற்குழு

IMV-OSA  Canada

திரு. வல்லிபுரம் பாலசுப்பிரமணியம்

துயர் பகிர்வோம்.

2016_bala

யாழ். இடைக்காட்டைப் பிறப்பிடமாகவும் வாழ்விடமாகவும் கொண்ட திரு வல்லிபுரம் பாலசுப்பிரமணியம் அவர்கள் 26.05.2016 அன்று இறைவனடி சேர்ந்தார்.
அன்னார் காலம் சென்றவர்களான வல்லிபுரம் நல்லம்மா தம்பதிகளின் அன்பு மகனும் கந்தையா தங்கம்மா தம்பதிகளின் அன்பு மருமகனும் செல்லம்மா அவர்களின் ஆருயிர்க்கணவரும் காலம் சென்ற பாக்கியம், மனோன்மணி ஆகியோரின் பாசமிகு சகோதரனும் சுப்பிரமணியம், கந்தையா, வல்லிபுரம், ராசமணி, தங்கம்மா,ஆகியோரின் அன்பு மைத்துனரும்,
வசீகரன், ஜெயசிறி ,யசோதா, சுபத்திரா ,யசோதரன், தயாபரன், சுபாஸ்கரன், சுபராகவன், சுகந்தி, சுபாசினி ஆகியோரின் அன்பு மாமனாரும் கோகுலச்செல்வன், கோகுலவாணி கோகுலரஜனி, கோகுலமணன் ஆகியோரின் பாசமிகு பெரியப்பாவும் ஆவார்.
அன்னாரின் இறுதிக்கிரியைகள் 27.5.2016 அன்று இடைக்காட்டில் நடைபெற்றது
இவ்வறிவித்தலை உற்றார், உறவினர், நண்பர்கள் அனைவரும் ஏற்றுக்கொள்ளுமாறு அன்புடன் கேட்கப்படுகின்றனர்.

அன்னாரின் குடும்பத்தின் துயரில் இடைக்காடு பழைய மாணவர் சங்கமும் இணைந்து கொள்கின்றது

தகவல்
கந்தையா சுபத்திரா- கனடா
905 294 8810

நாங்களும் அப்படித்தான்

குழந்தையின் அழுகை                                               images (3)
ஊரெல்லாம் கேட்டது
இப்போது அது அழுவதில்லை
ஆனால் பசி மட்டும் தீரவில்லை
அப்போ எப்படி?
பளார்… பளார்…
இனி அழுதால் இதைவிட மோசமாக…
அடியின் அகோரத்தில் அடங்கி ஒடுங்கி…

நாங்களும் அப்படித்தான்
எங்கள் அழுகுரல்
உலகுக்கே கேட்டது
நாங்கள் பயங்கரவாதியாம்
உலகமே திரண்டுவந்து
எங்களை அடக்கி ஒடுக்கி..
கொன்று குவித்து..
நாங்கள் இப்போது
அழுவதில்லை
அழக்கூட முடிவதில்லை
ஆனாலும் எங்கள் பிரச்சினை
அப்படியே, ஏன் அதைவிட மோசமாக
இப்போதும் அப்படியேதான்
உள்ளது என்பதை
உலகம் அறியாதா?
அறிந்தும் பொய்யாக
உறங்கிக் கிடக்கிறதா?
எங்கள் மெளன அழுகை
எதுவரை?
அது எப்போது
முடிவுறும்?
அது
அவனுக்கே வெளிச்சம்!                        images (4)

பொன் கந்தவேல்